Capela Compostelana

A Capela Compostelana formouse coa intención de poñer "nuevamente en luz" a música dos séculos XVI, XVII e XVIII.

A nosa interpretación parte do uso das técnicas vocais e instrumentais propias de cadanseu periodo e estilo que abordamos, camiño idóneo, ao noso entender, para comprender e disfrutar unhas obras lonxanas para nós no tempo. Deste xeito tentamos aprender, con humildade e respecto, a práctica daqueles músicos contemporáneos delas.

Os integrantes do conxunto formáronse no eido da música antiga, e ben o azar ou a necesidade xuntounos no fin do mundo, que é Compostela.

Desde o ano 1988 Capela Compostelana ten feito concertos por diferentes lugares de España, Europa e Estados Unidos, participando en prestixiosos ciclos adicados á música antiga; entre eles: Festival de Vitoria, Via Stellae, Semana de Música Antigua de Estella, Festival Internacional de Deia, Concerts de Música Barroca de Palma, Auditorio de Galicia, Metropolitan de New York, "Festival de Musique Sacree" de San Maló…

Capela Compostelana dedica unha parte importante do seu traballo á recuperación e difusión da música galega renacentista e barroca. Neste ámbito editou os discos "José de Vaquedano, Maestro de Capilla de la Catedral de Santiago de Compostela" (Ed. Edigal) e "Villancicos a Santiago" (Ed. Fonti Musicali), con obras inéditas da Catedral de Santiago de Compostela. Prepara actualmente próximas gravacións con música española deste período.

Capela Compostelana adícase tamén da recuperación de antigas tradicións e litúrxias relacionadas coa Catedral de Santiago, como as Vésperas Solemnes e Misa de Consagración nos actos relativos a “Celebración do VIII Centenario da Catedral de Santiago”.

Colabora asiduamente co “Orfeón Terra a Nosa” e a “Capilla Musical de la Catedral de Santiago”.

programas destacados

Monográfico José de Vaquedano

(1642-1711)

1991

Cantata “Actus Tragicus”

J. S. Bach (1685-1750)

Jephte

Giovanni Carissimi (1605-1674)

G. Ph. Telemann

(1681-1767)